Hegaldi Kirolak, Zaindulan, Teknoburu eta Ikonik enpresa simulatuko gure lau proiektuak prestatzen ari dira abenduaren 2an Barakaldoko BECen egingo den Euskal Herriko XV. Meeting Point Enpresa Simulatuen Topaketan parte hartzeko.
Jarduera hau, Administrazioa eta Kudeaketa lanbide-arloko Enpresa-simulazioa eta Enpresa ikasgelan moduluen parte da. Ikasleek funtsezko gaitasunak, hala nola, talde-lana, autonomia, inplikazioa eta merkataritza-trebetasuna modu errealistan praktikan jartzeko aukera bikaina da.
Gainera, simulatutako gure enpresa bakoitzak eguneroko kudeaketan, hizkuntza nagusi euskara, gaztelania eta ingelesa ditu.
Aste hauetan, ikasleak, prestakuntza guztietan, lanean gogor ari dira. Horien artean, honako hauek nabarmentzen dira:
- Beste zentro batzuetako enpresa simulatuekin harremanetan jartzeko aurretiko kontaktuak: presentzia koordinatu, ideiak trukatu eta networkinga.
- Simulatutako enpresa bakoitzaren produktuen katalogoak diseinatu eta egitea, haien nortasun korporatiboa, merkataritza-proposamena eta informazio-materialak balioetsiz.
- Proiektu bakoitzaren profesionaltasuna eta espiritu berritzailea islatzen duten kartelak, bisita-txartelak eta bestelako euskarri grafikoak.
Laster emango dizuegu ekitaldiaren nondik norakoaren berri.
Bitartean, gure ikasleek ilusioz bizi dute jarduera bat BECen eta beste ikastetxe batzuetako ikasleekin harremanetan egiteko aukera.
Ekitaldiaren argazkiak
