Pertsonen eta komunitateen aho hortzetako osasuna sustatu eta bermatu itzazu
Aho eta hortzetako osasun-ohitura onak eta arreta odontologikoa sustatzea funtsezko arloak dira osasun-sektorean, komunitateen ongizatea bermatzeko.
Hortz-klinikek aho eta hortzen higieneko profesionalak behar dituzte, aho-barrunbearen miaketa eta ebaluazioa egin ahal izateko, eta odontologiako edo estomatologiako espezialistei teknika odontologikoak egiten laguntzeko.
-
Familia: Osasungintza
-
Goi-maila
-
2 urte (2.000 o.)
-
Goizez: A eredua
Arratsaldez: D eredua -
Laneratze altua
-
inLan lan-poltsa
-
Erasmus
-
Ikas-ekinezko heziketa duala
Ahoaren eta hortzen higienea xehetasunez
Zer ikasiko duzu?
Ahoaren eta hortzen higienearen zikloan, aho-barrunbea ikuskatzen eta esploratzen eta hortz-erradiografiak egiten ikasiko duzu, datuak lortzeko eta prebentzio-teknikak eta plan epidemiologikoak aplikatu ahal izateko.
Instalazioen, tresnen eta materialen kalitatea eta segurtasuna bermatzeaz arduratu ahal izango zara, eta aho-hortzetako osasun-taldeen barruan tratamendu odontologikoetan laguntza eskainiko duzu.
Gainera, ahoaren eta hortzen osasuna sustatzeko hezkuntza-jarduera sanitarioak programatzeko gai izango zara.
Irteera profesionalak
Aho-hortzen higieneko edo arlo horretara zuzendutako osasun-hezkuntzako profesional gisa lan egin ahal izango duzu osasun-sektore publikoan ala pribatuan, eta odontologian espezializatutako taldeen parte izan ahalko zara.
Zure zeregina miaketa eta esku-hartze odontologikoko tekniketan laguntza ematea izango da, edo aho-hortzen osasuna prebenitzeko eta sustatzeko jarduerak programatzea.
Beraz, aho-hortzetako higienistek hortz-kliniketan eta osasun-zentroetan lan egin ahal izango dute, edo aho-hortzetako osasun-hezitzaileak izan daitezke beste erakunde batzuetan.
1. Ikasturtea
| Moduluak | Orduak |
|---|---|
| Harrera eta logistika hortz-klinikan | 132 o. |
| Aho-barrunbearen azterketa | 165 o. |
| Aho-barrunbearen miaketa | 132 o. |
| Aho-hortzetako interbentzioa | 165 o. |
| Epidemiologia aho-osasunean | 132 o. |
| Fisiopatologia orokorra | 165 o. |
| Laneko prestakuntza eta orientabidea | 99 o. |
2. Ikasturtea
| Moduluak | Orduak |
|---|---|
| Aho-osasunerako hezkuntza | 140 o. |
| Kontserbatzailea, periodontzia, kirurgia eta inplanteak | 160 o. |
| Protesiak eta ortodontzia | 140 o. |
| Lehen laguntzak | 60 o. |
| Aho-hortzen higieneko proiektua | 50 o. |
| Ingeles teknikoa | 40 o. |
| Enpresa eta ekimen sortzailea | 60 o. |
| Lantokiko prestakuntza | 360 o. |
Baliozkotzeak
Titulu honekin lotutako prestakuntza akademikoa edo lan-esperientzia egiaztatzen baduzu, zikloko moduluren bat baliozkotzeko eska dezakezu.
Baliozkotzeen zerrenda
Kontsultatu PDF hau [deskargatu EEItik PDFa] modulu bakoitza baliozkotzeko baldintzak ezagutzeko.
Ikaskuntza-metodologia berritzaileak: Ethazi
Barakaldo LHn metodologia praktikoa gure hezkuntza-planetan txertatzen dugu, erronketan oinarritutako ikaskuntzaren bidez, hau da, Ethazi metodologiaren bidez. Hortz-klinika simulatzen duen gure tailerrean, ikasleek aho-hortzetako miaketa- eta interbentzio-teknikak ikasten dituzte sektoreko benetako jardunetik hurbil dagoen ingurune batean, eta planteatutako erronkei aurre egiten diete elkarlanaren bidez.
Ethazi metodologiaren barruan, gaitasun teknikoak lantzeaz gain, ikasleek zeharkako gaitasunak (talde-lana, komunikazioa, informazio-bilaketa…) garatzen dituzte proiektu praktikoen bidez, batez ere kasu kliniko errealekin lan eginez.
Egiteko moduak
Ziklo hau presentziala da. Ikas-ekinezko heziketa dual modalitatean egin daiteke zikloa, ikastetxean egiten den prestakuntza eta titulazioarekin lotutako enpresa batean egiten den benetako lana txandakatuz.
Ikasten jarrai dezakezu
Goi-mailako ziklo hau amaitu ondoren, zure prestakuntzarekin jarrai dezakezu prestakuntza-arlo bereko edo antzeko sektore bateko LHko beste ikasketa batzuekin, edo lan-bide jakin baterantz espezializatu zaitezke espezializazio-ikastaro batekin. Unibertsitatera sartzeko aukera ere lortzen duzu.
Unibertsitatea
Espezializazio-
ikastaroa
Lan egin dezakezu
Barakaldoko LHn lan-munduan sartzen laguntzeko tresnak eskaintzen dizkizugu.
Gure lan-poltsak gure inguruko enpresetara hurbildu nahi ditu gure ikasleak eta ikasle ohiak, eta IkasEnplegu lan-poltsak LHko lan-eskaintza espezifikoak biltzen ditu.
Ziklo honi buruz gehiago jakin nahi duzu?
Aho-hortzen higienea irudietan
Barakaldo LHII ikastetxean hortz-klinika bat simulatzen duen tailer bat dugu. Bertan, ikasleek pazienteekin benetako lan-inguruneetan gauzatzen diren prozedurak praktikatzen dituzte. Hortz-kabinete horiek praktikaren bidez ikasteko behar diren tresnez hornituta daude, epidemiologian, periodontzian edo ortodontzian, besteak beste, eta honako lan-eremu hauek dituzte:
- X izpien gela.
- Protesi-gela.
- Esterilizazio-gela.
Laneratzea