Fabrikazio-industriako tresnen eta ekipamendu-ondasunen prototipoak diseinatu eta optimiza itzazu
Industria-tresnen, -piezen eta -mekanismoen diseinua funtsezko faktorea da industriako ekoizpen-prozesuei balio erantsia emango dieten ekipamendu-ondasunak ekoizteko.
Produktuaren kalitatea eta berrikuntza eta hobekuntza posibleak diseinu industrialaren eskutik datoz beti.
Piezak asmatzearekin eta prototipatzearekin lotutako informatika-tresnak eta prozedura teknikoak menderatzea eskatzen duen lanbide-arloa da hau.
-
Familia: Fabrikazio mekanikoa
-
Goi-maila
-
2 urte (2.000 o.)
-
Goizez: A eredua
-
Laneratze altua
-
inLan lan-poltsa
-
Erasmus
-
Ikas-ekinezko heziketa duala
Fabrikazio mekanikoko diseinua xehetasunez
Zer ikasiko duzu?
Fabrikazio mekanikoko diseinuaren zikloan, pieza eta tresneria industrialak asmatzen, horiek dimentsionatzeko kalkuluak egiten eta fabrikazio-planoak marrazten ikasiko duzu, CADeko softwarearen laguntzarekin.
Gai izango zara beharrezko osagaiak hautatzeko, saiakuntza-planak ezartzeko eta prototipoaren fabrikazioan aurkitutako arazoen arabera aldaketak egiteko; hori guztia, pieza edo produktua fabrikatzeko beharrezko dokumentazio teknikoa landuta eta antolatuta.
Irteera profesionalak
Metalak, polimeroak, elastomeroak eta beste material mota batzuk eraldatzeko industrietan lan egin ahal izango duzu, piezen, moldeen eta produktuen diseinuan jardunez. Horretarako, prototipoak planteatzeko CAD diseinu-softwarea erabiltzeaz arduratuko zara, bai eta produktua amaitu ondoren produkziorako beharrezkoak diren fabrikazio-prozesuak ezartzeaz ere. Diseinuko profesionalak makineriaren eta ekipamendu-ondasunen eraikuntzako azpisektoreetako arlo hauetan aritzen dira:
- Delineatzaile proiektugilea.
- CAD bidezko diseinua.
- Produktuak, matrizeak, tresnak, moldeak eta bestelako produktuak garatzea.
1. Ikasturtea
| Moduluak | Orduak |
|---|---|
| Fabrikazio mekanikoko irudikapen grafikoa | 198 o. |
| Produktu mekanikoen diseinua | 297 o. |
| Fabrikazioaren automatizazioa | 198 o. |
| Fabrikazio mekanikoko teknikak | 198 o. |
| Laneko prestakuntza eta orientabidea | 99 o. |
2. Ikasturtea
| Moduluak | Orduak |
|---|---|
| Txapa prozesatzeko eta estanpatzeko tresnen diseinua | 240 o. |
| Galdaketako moldeen eta ereduen diseinua | 120 o. |
| Produktu polimerikoetarako moldeen diseinua | 140 o. |
| Produktu mekanikoak diseinatzeko proiektua | 50 o. |
| Ingeles teknikoa | 40 o. |
| Enpresa eta ekimen sortzailea | 60 o. |
| Lantokiko prestakuntza | 360 o. |
Baliozkotzeak
Titulu honekin lotutako prestakuntza akademikoa edo lan-esperientzia egiaztatzen baduzu, zikloko moduluren bat baliozkotzeko eska dezakezu.
Baliozkotzeen zerrenda
Kontsultatu PDF hau [deskargatu EEItik PDFa] modulu bakoitza baliozkotzeko baldintzak ezagutzeko.
Ikaskuntza-metodologia berritzaileak: Ethazi
Barakaldo LHn metodologia praktikoa gure hezkuntza-planetan txertatzen dugu, erronketan oinarritutako ikaskuntzaren bidez, hau da, Ethazi metodologiaren bidez. Zenbakizko kontrol bidezko makina-erremintez eta beste sistema automatiko batzuez hornitutako tailerrak ditugu, baita Siemens NX, Solid Edge eta Inventor bidezko diseinurako ordenagailu-gelak eta solidotzeko eta betetzeko simulagailuak ere, hala nola Quikcast edo Moldflow. Bitarteko horiekin, egoera problematikoak planteatzen dizkiegu ikasleei, erronkak elkarlanaren bidez konpon ditzaten.
Ethazi metodologiaren barruan, gaitasun teknikoak lantzeaz gain, ikasleek zeharkako gaitasunak (talde-lana, komunikazioa, informazio-bilaketa…) garatzen dituzte proiektu praktikoen bidez.
Hona hemen Barakaldoko LHn garatutako proiektuen adibide batzuk:
- Fresatzeko makinarako euskarriak fresatzea, tenplatzea, arteztea eta laserraren bidezko markatzea.
- Komunerako euskarri erregulagarria mugikortasun urriko pertsonentzat.
- Errodamenduetarako euskarria diseinatzea, solidotzearen simulatzea eta betetzea.
Egiteko moduak
Ziklo hau presentziala da. Ikas-ekinezko heziketa dual modalitatean egin daiteke zikloa, ikastetxean egiten den prestakuntza eta titulazioarekin lotutako enpresa batean egiten den benetako lana txandakatuz.
Ikasten jarrai dezakezu
Goi-mailako ziklo hau amaitu ondoren, zure prestakuntzarekin jarrai dezakezu prestakuntza-arlo bereko edo antzeko sektore bateko LHko beste ikasketa batzuekin, edo lan-bide jakin baterantz espezializatu zaitezke espezializazio-ikastaro batekin. Unibertsitatera sartzeko aukera ere lortzen duzu.
Fabrikazio mekanikoko produkzioaren programazioa (GM)
Fabrikazio Mekanikoa
Mekanizazioa (EM)
Fabrikazio Mekanikoa
Mekatronika industriala (GM)
Instalatze eta Mantentze Lanak
Unibertsitatea
Espezializazio-
ikastaroa
Lan egin dezakezu
Barakaldoko LHn lan-munduan sartzen laguntzeko tresnak eskaintzen dizkizugu.
Gure lan-poltsak gure inguruko enpresetara hurbildu nahi ditu gure ikasleak eta ikasle ohiak, eta IkasEnplegu lan-poltsak LHko lan-eskaintza espezifikoak biltzen ditu.
Ziklo honi buruz gehiago jakin nahi duzu?
Fabrikazio mekanikoko diseinua irudietan
Barakaldo LHn, metal sektoreko piezak eta produktuak diseinatzeko lanetan ikasleak prestatzeko beharrezko tresnak eta softwarea dituzten ikasgelak eta tailerrak ditugu. Hona hemen diseinura bideratutako fabrikazio mekanikoko instalazioetako batzuk:
- Tornu paraleloak eta fresatzeko makina bertikal eta horizontalak, guztiak bistaratzaile eta display digitalez hornituak.
- Artezteko makina lau tangentzialak eta kanpoaldeko eta barrualdeko zilindrikoak.
- Hari eta sartze bidezko elektrohigadurako makinak.
- Soldadura-ekipamendua.
- 3D inprimagailua.
- Laserra markatzeko makina.
Softwareari dagokionez, 2D eta 3Dko diseinu-programa eguneratuak ditugu, hala nola Autocad, SolidEdge, NX Unigraphics, Inventor, Quickcast edo Fusion 360, eta horietako batzuk ikasleen eskura jartzen ditugu, bai ikasgela barruan bai kanpoan ikaskuntza errazteko. Halaber, gure automatizazio-ikasgelek panel pneumatikoak, elektropneumatikoak eta hidraulikoak eta Siemens automatak dituzte, Festo Fluidsim simulazio-softwarea dutelarik.
Laneratzea