Pieza industrialak fabrika itzazu, metalak eta bestelako materialak eraldatuz.
Pieza eta produktu industrialen fabrikazioak materiala kentzearen bidezko transformazio-prozesuak menderatzen dituzten profesionalak behar ditu.
Zenbakizko kontroleko makina-erremintak, neurketa-makinak, sistema automatizatuak, saiakuntzak… ezinbestekoak dira aurrerapen teknologikoak protagonista diren sektore batean.
-
Familia: Fabrikazio mekanikoa
-
Erdi-maila
-
2 urte (2.000 o.)
-
Goizez: A eredua
-
Laneratze altua
-
inLan lan-poltsa
-
Erasmus
-
Ikas-ekinezko heziketa duala
Mekanizazioa xehetasunez
Zer ikasiko duzu?
Mekanizazioa zikloan, metalak eta beste lehengai batzuk materiala kenduz eraldatzen ikasiko duzu, besteak beste, txirbil-harroketa, urradura, fresaketa edo elektrohigaduraren bitartez.
Horretarako, makina-erremintak programatu eta erabiliko dituzu, fabrikazio-planoen zehaztapenei jarraituz.
Informazio teknikotik abiatuta, beharrezko mekanizazio-prozesuak zehazteko eta, produktua fabrikatu ondoren, haren kalitatea egiaztatzeko gai izango zara.
Irteera profesionalak
Metalak eta beste material batzuk eraldatzeko industrietan lan egin ahal izango duzu, industria-sektorerako piezen eta egituren, ekipo mekanikoen eta ekipamendu-ondasunen fabrikazioan arreta berezia jarrita. Zenbakizko kontrol bidezko makina-erremintekin, robotekin eta fabrikazio-prozesuetan erabiltzen diren beste automatismo batzuekin lan egiteko gaitasunarekin, sektoreko arlo hauetan jardungo duzu:
- Makina-erremintak doitzea eta erabiltzea.
- Metalak leuntzea eta erremintak zorroztea.
- Metalak lantzeko makinekin lan egitea.
- Robot industrialekin lan egitea.
- Erreminten fabrikazioa.
- Modelismoa eta matrizegintza.
- Tornuarekin, fresarekin eta mandrinoekin lan egitea.
1. Ikasturtea
| Moduluak | Orduak |
|---|---|
| Mekanizazio-prozesuak | 165 o. |
| Txirbil-harroketa bidezko fabrikazioa | 363 o. |
| Sistema automatizatuak | 165 o. |
| Metrologia eta saiakuntzak | 132 o. |
| Interpretazio grafikoa | 132 o. |
| Ingeles teknikoa | 33 o. |
2. Ikasturtea
| Moduluak | Orduak |
|---|---|
| Zenbakizko kontrol bidezko mekanizazioa | 252 o. |
| Urraduraren, elektrohigaduraren, ebaketaren, konformazioaren eta prozesu berezien bidezko fabrikazioa | 210 o. |
| Laneko prestakuntza eta orientabidea | 105 o. |
| Enpresa eta ekimen sortzailea | 63 o. |
| Lantokiko prestakuntza | 380 o. |
Baliozkotzeak
Titulu honekin lotutako prestakuntza akademikoa edo lan-esperientzia egiaztatzen baduzu, zikloko moduluren bat baliozkotzeko eska dezakezu.
Baliozkotzeen zerrenda
Kontsultatu PDF hau [deskargatu EEItik PDFa] modulu bakoitza baliozkotzeko baldintzak ezagutzeko.
Ikaskuntza-metodologia berritzaileak: Ethazi
Barakaldo LHn metodologia praktikoa gure hezkuntza-planetan txertatzen dugu, erronketan oinarritutako ikaskuntzaren bidez, hau da, Ethazi metodologiaren bidez. Gure lantegiak eta ikasgelak makina-erremintaz, softwareaz eta automatismoz hornituta ditugu, eta egoera problematikoak planteatzen dizkiegu ikasleei, lankidetzako ikaskuntza errazteko.
Ethazi metodologiaren barruan, gaitasun teknikoak lantzeaz gain, ikasleek zeharkako gaitasunak (talde-lana, komunikazioa, informazio-bilaketa…) garatzen dituzte proiektu praktikoen bidez. Hona hemen Barakaldoko LHn garatutako proiektuen adibide batzuk:
- Ardatzak eta tutu-formako piezak zulatzeko tresnen diseinua eta fabrikazioa.
- Ponpa hidrauliko baten diseinua eta fabrikazioa.
Egiteko moduak
Ziklo hau presentziala da. Ikas-ekinezko heziketa dual modalitatean egin daiteke zikloa, ikastetxean egiten den prestakuntza eta titulazioarekin lotutako enpresa batean egiten den benetako lana txandakatuz.
Ikasten jarrai dezakezu
Erdi-mailako ziklo hau amaitu ondoren, zure prestakuntzarekin jarrai dezakezu prestakuntza-arlo bereko edo antzeko sektore bateko goi-mailako edo erdi-mailako LHko beste ikasketa batzuekin.
Fabrikazio mekanikoko produkzioaren programazioa (GM)
Fabrikazio Mekanikoa
Fabrikazio mekanikoko diseinua (GM)
Fabrikazio Mekanikoa
Mekatronika industriala (GM)
Instalatze eta Mantentze Lanak
Unibertsitatea
Espezializazio-
ikastaroa
Lan egin dezakezu
Barakaldoko LHn lan-munduan sartzen laguntzeko tresnak eskaintzen dizkizugu.
Gure lan-poltsak gure ikasle eta ikasle egresatuak gure inguruko enpresetara hurbiltzea du helburu, eta IkasEnplegu lan-poltsak LHko lan-eskaintza espezifikoak biltzen ditu.
Ziklo honi buruz gehiago jakin nahi duzu?
Mekanizazioa irudietan
Barakaldo LHn, ikasleak sektore metalmekanikoko fabrikazio-zereginetan trebatzeko beharrezkoak diren makina-erremintak eta automatismoak ditugu. Gure tailerrek eta automatizazio-gelek fabrikazio mekanikoko makina ugari dituzte:
- Tornu paraleloak eta fresatzeko makina unibertsalak eta bertikalak, display digitalarekin.
- Artezteko makina tangentziala eta zilindrikoa.
- Hari eta sartze bidezko elektrohigadurako makinak.
- Ordenagailu bidezko edo CNC bidezko zenbakizko kontroleko mekanizazio-zentroak (Heidenhain eta Fagor kontrolekin).
- CNC tornuak (Fanuc eta Fagor kontrolak).
- CNC makina didaktikoak.
- Tenplatzeko labea.
- Panel pneumatikoak, elektropneumatikoak eta hidraulikoak.
- 3D inprimagailua.
- Laserraren bidezko markatzeko makina.
Gainera, simulazioko, piezen diseinuko eta zenbakizko kontroleko software eguneratua dugu, eta horietako batzuk ikasleen eskura jartzen ditugu urruneko mahaigain baten bidez, ikasgela barruan zein kanpoan ikaskuntza errazteko. Besteak beste, software hauek ditugu: Siemens NX CAD/CAM/CAE, Festo Fluidsim, eta Heidenhain TNC320, Fagor CNC, WinUnisoft eta Fanuc simulagailuak.
Laneratzea