Jostun eta ikuskizunen arloko produktuak eta prozesuak egin, ezarri eta antolatzen ditu
Ziklo honetan, produkzioetarako aldagelak diseinatzeko, egiteko eta egokitzeko trebetasun eta gaitasun espezifikoak eskuratzen dira, hala nola antzerkirako, zinemarako, telebistarako edo ekitaldi berezietarako.
Ikasleek sormena, teknika eta ezagutza historikoak uztartuko dituzte antzerkiaren edo ikuskizunen diseinuaren eta jantzigintzaren munduan.
Eszenako jantziak diseinatzen dira, neurrira egindako jantziak egiten dira, joskintzako eta patroigintzako teknika aurreratuak erabiliz, jantziak eraldatzen dira eta estilo eta garai historikoak ikertzen dira.
-
Familia: Ehungintza, Jantzigintza eta Larrugintza
-
Goi-maila
-
2 urte (2.000 o.)
-
Arrastsaldez: A eta D eredua
-
Laneratze ertaina
-
inLan lan-poltsa
-
Erasmus
-
Ikas-ekinezko heziketa duala
Neurrirako eta ikuskizunetarako jantziak xehetasunez
Zer ikasiko duzu?
Neurrirako eta ikuskizunetarako jantziak zikloan, neurrira egindako jantziei aplika dakizkiekeen moda-joerak aztertzen ikasiko duzu. Pertsonaiak eraikitzeko tresna gisa, janzkeraren eta antzerkiaren historia aztertuko duzu. Produktu bat egiteko erabili beharreko materialak aukeratuko dituzu.
Karakterizaziorako jantziak zahartzeko, tindatzeko eta eraldatzeko teknikak ezagutuko dituzu. Proposatutako diseinuaren arabera, patroiak plano gaineko sistemen bidez nahiz maniki gaineko modelajearen bidez egingo dituzu. Gai izango zara neurrira egindako jantziak eta jostun klasikoak egiteko, bezeroaren beharretara egokituta, jantziak egiteko beharrezko prozesuak eginda, eta proiektu artistikora egokitutako ikuskizunetarako jantziak eta osagarriak egiteko.
Irteera profesionalak
Titulu hau lortzen duten pertsonek neurrira egindako jantzigintzan eta ikuskizunetarako jantzigintzan egiten dute lan, enpresa txiki eta ertainetan, besteren edo norberaren kontura, eta besteren konturako enpresa handietan, batez ere, elaborazio-funtzioak eta baliabideen diseinu- eta kudeaketa-funtzioak garatzen dituzte.
Lanbide eta lanpostu garrantzitsuenak honako hauek dira:
- Jantzien patroigile-modelista.
- Neurrira egindako jantzien jostuna.
- Ikuskizunetako jantzien jostuna.
- Modista.
- Zinemako figurinista.
- Figurinista laguntzailea.
1. Ikasturtea
| Moduluak | Ordu gelan | Ordu enpres. |
|---|---|---|
| Ehungintzako, jantzigintzako eta larrugintzako materialak | 165 | 15 |
| Moda eta janzteko joerak | 165 | 15 |
| Neurriko jantzigintzan modelatzeko eta patroiak egiteko teknikak | 297 | 27 |
| Neurriko jantziak egitea | 264 | 24 |
| Enplegagarritasunerako norberaren ibilbidea I | 120 | 0 |
2. Ikasturtea
| Moduluak | Ordu gelan | Ordu enpres. |
|---|---|---|
| Jantziak neurrira egiteko baliabideak kudeatzea | 80 | 17 |
| Neurriko jantziak diseinatzea | 140 | 56 |
| Ikuskizunetako jantziak | 120 | 57 |
| Joskintza klasikoa | 160 | 55 |
| Ingeles profesionala | 63 | 0 |
| Enplegagarritasunerako ibilbide pertsonala II | 63 | 0 |
| Produkzio-sektoreei aplikatutako digitalizazioa | 63 | 0 |
| Produkzio-sistemari aplikatutako iraunkortasuna | 42 | 0 |
| Proiektu intermodularra (50o) | 0 | 0 |
| Hautazko modulua(k) | 84 | 0 |
Baliozkotzeak
Titulu honekin lotutako prestakuntza akademikoa edo lan-esperientzia egiaztatzen baduzu, zikloko moduluren bat baliozkotzeko eska dezakezu.
Baliozkotzeen zerrenda
Kontsultatu PDF hau [[deskargatu EEItik PDFa]] modulu bakoitza baliozkotzeko baldintzak ezagutzeko.
Ikaskuntza-metodologia berritzaileak: Ethazi
Barakaldo LHn metodologia praktikoa gure hezkuntza-planetan txertatzen dugu, erronketan oinarritutako ikaskuntzaren bidez, hau da, Ethazi metodologiaren bidez. Patroigintza-, ebaketa- eta joskintza-makinez hornitutako tailerrei eta diseinu-programekin informatizatutako gelei esker, egoera problematikoak planteatzen zaizkie ikasleei, elkarlanaren bidez konpon ditzaten.
Ethazi metodologiaren barruan, gaitasun teknikoak lantzeaz gain, ikasleek zeharkako gaitasunak (talde-lana, komunikazioa, informazio-bilaketa…) garatzen dituzte proiektu praktikoen bidez.
Lehen kurtsotik, ikasleek jantzien bilduma bat diseinatzeko eta egiteko proiektuak egingo dituzte. Gero, bilduma hori modako desfiletan aurkeztuko dute.
Egiteko moduak
Ziklo hau presentziala da. Ikas-ekinezko heziketa dual modalitatean egin daiteke zikloa, ikastetxean egiten den prestakuntza eta titulazioarekin lotutako enpresa batean egiten den benetako lana txandakatuz.
Ikasten jarrai dezakezu
Goi-mailako ziklo hau amaitu ondoren, zure prestakuntzarekin jarrai dezakezu prestakuntza-arlo bereko edo antzeko sektore bateko LHko beste ikasketa batzuekin, edo lan-bide jakin baterantz espezializatu zaitezke espezializazio-ikastaro batekin. Unibertsitatera sartzeko aukera ere lortzen duzu.
Unibertsitatea
Espezializazio-
ikastaroa
Lan egin dezakezu
Barakaldoko LHn lan-munduan sartzen laguntzeko tresnak eskaintzen dizkizugu. Gure lan-poltsak gure inguruko enpresetara hurbildu nahi ditu gure ikasleak eta ikasle ohiak, eta IkasEnplegu lan-poltsak LHko lan-eskaintza espezifikoak biltzen ditu.
Ziklo honi buruz gehiago jakin nahi duzu?
Neurrirako eta ikuskizunetarako jantziak irudietan
Barakaldo LHn patroigintzako eta prototipoak egiteko tailer bat dugu, jantziak ebaki, egin eta akabatzeko beharrezko industria-makinez hornitua.
Gainera, ikasgela informatizatuan, berariazko programa informatikoak ditugu, ikasleek ordenagailuz lagundutako diseinua eta patroigintza ikas ditzaten.
Besteak beste, makina hauek daude lantegian:
- Orratz bateko makina lauak.
- Arraste hirukoitzeko makinak.
- Owerlocks (OWs).
- Puntada ikusezineko makina (barrenak).
- Botoi-zuloak egiteko makina.
- Botoien makina.
- Estalgailua.
- Ehunak ebakitzeko makinak.
- Xurgapena duten industria-plantxak.
- Termofinkatzailea.
