FP Barakaldo LHko Eraikuntza-proiektuak zikloko ikasleek, Bizkaian aireztatutako fatxaden diseinuan eta eraikuntzan liderra dan FAVENORTE enpresa bisitatzeko aukera izan zuten. Bisitan, enpresa honek eraikinen isolamendu termiko eta akustikoa, estetika eta iraunkortasuna hobetzeko eskaintzen dituen irtenbide berritzaile eta jasangarrienak gertutik ezagutzeko aukera izan zuten. 🌟
FAVENORTEren instalazioetan, ikasleek zeramika, gres portzelanikoa eta fibrozementua bezalako material-sorta zabala aztertu zuten, eta fatxada horien kalitatea eta eraginkortasuna bermatzen duten finkatze-sistemei eta azpiegiturei buruz ikasi zuten. Gainera, irtenbide horiek energia aurrezten eta eraikinen balioa handitzen nola laguntzen duten jakin zuten. 🌱🏢
Esperientzia aberasgarria izan zen; izan ere, ikasleek bertatik bertara ikusi ahal izan zituzten fatxada horiek diseinatzeko eta gauzatzeko prozesuak, bai eta berrikuntza, jasangarritasuna eta kalitatearekiko konpromisoa uztartzen dituen enpresa batekin lan egitearen abantailak ere. 💡👏
Bisita horrek, ezagutza teknikoak zabaltzeaz gain, teknologia horiek etorkizuneko proiektuetan aplikatzeko inspirazioa eman zien, prestakuntza praktikoak beren garapen profesionalean duen garrantzia berretsiz. 🚀✨
