Erasmus+ mugikortasuna egitea esperientzia eraldatzailea da, eta hamaika abantaila eskaintzen ditu, bai maila pertsonalean zein profesionalean. FP Barakaldo LHn, uste dugu nazioarteko aukera hori bizitzea mugarri izan daitekeela zure etorkizunari begira. Hemen azalduko dizugu zergatia:

ERASMUS+ AUKERATZEKO 5 ARRAZOI

1. Zure enplegagarritasuna hobetu

Europako enpresetan lan-esperientzia izateak nazioartean lan egiteko prestatzen zaitu. Testuinguru errealean, hainbat herrialderen estandarretara egokitutako trebetasun teknikoak garatuko dituzu. Zure curriculumean nazioarteko esperientzia agertzean, malgua den pertsona bat bezala agertuko zara, ekimena eta egokitzeko gaitasuna dituena.

2. Indartu zure hizkuntza eta kultura-gaitasunak

Beste herrialde batean bizi eta lan egiteak, atzerriko hizkuntzetan dituzun gaitasunak hobetzeko aukera emango dizu, gaur egungo lan-merkatuan funtsezkoa den trebetasuna, alegia. Era berean, kultura anitzeko inguru batean moldatzen ikasiko duzu, zure harreman pertsonalak eta profesionalak aberastuko dituen ikuspegi globala zeureganatuz.

3. Gaitasun pertsonalak garatu

Arazoak konpontzen eta erabakiak ingurune ezezagun batean hartzen ikasiko duzu, eta, horri esker, zure konfiantza eta autonomia sendotu ahal izango dituzu. Horrez gain, beste kultura eta lan egiteko modu batzuekiko tolerantzia, enpatia eta errespetua garatuko dituzu. Trebetasun guzti horiek funtsezkoak izango dira zure etorkizun profesionalerako.

4. Nazioarteko kontaktuen sarea sortu

Hainbat herrialdetako pertsonak ezagutuko dituzu, etorkizunean ateak ireki diezazkizuketen lotura pertsonalak eta profesionalak sortuz.

5. Bizi ezazu esperientzia paregabea eta ahaztezina

Erasmus+ programan parte hartzea atzerriko egonaldia baino askoz gehiago da; pertsona gisa hazteko, kultura berriak ezagutzeko eta leku berriak esploratzeko aukera da. Bizitza osoan gogoratuko dituzun oroitzapenekin, ikaskuntzekin eta lagunekin itzuliko zara.

“Nire eremuan beste herrialde batzuetan nola lan egiten den ikusi ahal izan dut, eta horrek are gehiago motibatu ninduen.”

“Erasmus+ mugikortasunak pertsonalki eta profesionalki hazteko aukera eman dit. Sinestezina izan da!”

“Erasmus+ek aukera eman dit jende bikaina ezagutzeko eta nazioarteko ingurune batean nire gaitasunak hobetzeko.”

Erasmus+ programan parte hartu nahi duzu?

Hautaketa Irizpideak

Deskargatu

Izena emateko Formularioa

Formularioa eskuragarri egongo da izena emateko epea zabaltzen denean.

Jasangarritasun Irizpideak

FP Barakaldo LHn, gure ikasleen nazioarteko mugikortasuna sustatzearen garrantzia ulertzen dugu, haien garapen pertsonal eta profesionalaren funtsezko tresna gisa. Hala ere, badakigu jarduera horiek ingurumenean izan dezaketen eragina. Horregatik, jasangarritasuna gure mugikortasun guztietan funtsezko zutabe gisa txertatzeko konpromisoa hartzen dugu. Hauek dira bidaia jasangarriak sustatzeko ekintzak:

  • Garraiobide jasangarriak lehentasuna ematea
    • Tren edo autobus bidezko bidaiak: Garraio kolektiboen eta gutxiago kutsatzen dutenen erabilera sustatzea, ahal den neurrian.
    • Hegaldiak optimizatzea: Urrutiko helmugetarako, zuzeneko hegaldiei lehentasuna ematea, emisioak murrizteko eta beharrezkoak ez diren eskalak saihesteko.
  • Hondakinak murriztea
    • Botila berrerabilgarrien, oihalezko poltsen eta ontzi ekologikoen erabilera sustatzea, bidaietan erabilera bakarreko plastikoen sorrera murrizteko.
    • Tokiko eta sasoiko elikagaien kontsumoa sustatzea, tokiko ekonomiei laguntzeko eta produktuen garraioa murrizteko.
  • Tokiko garraioen erabilera sustatzea
    • Ikasleak, bizikletaz, garraio publikoz edo oinez mugitzera animatzea.

Jarri harremanetan Nazioartekotze Sailarekin